Dir bestëmmt de Präis! Fir de Koll an Aktioun ze ënnerstëtzen, wëlle mir iech decidéiere loossen, wéi vill dir fir ären Ticket bezuele wëllt.

Sou funktionéiert et:

De Minimum-Präis fir en Dagesticket ass op 25 EUR festgeluecht. De Weekend-Ticket ass 40 EUR.

Dorop kënnt dir, wann dir d’Méiglechkeeten hutt, esou vill dobäi gi wéi dir wëllt.

Firwat mir dat maachen:

D'Organisatioun vum Festival vun der Ufanksiddi bis zum Resultat erfuerdert vill Aarbecht a Ressourcen, an ass mat vill Onsécherheete verbonnen. Mir schätzen, datt de reelle Wäert bei ongeféier 40 EUR pro Dag läit. Dëse Präis deckt d’Gagë vun nationalen an internationale Musek Acts, Engagementer fir de Kannerprogramm, Logistik, Infrastruktur an d’Loune vun de Bünen an Tounmaterial. Alles, fir déi beschten Experienz um Koll an Aktioun ze erméiglechen.

Natierlech hätte mir decidéiere kënnen, ee méi héije Präis fir d'Ticketen ze froen, fir eis méi finanziell Sécherheet ze ginn. Mee, e méi héije Präis géif och bedeiten, datt Leit vum Festival ausgeschloss gi wieren, déi vläicht manner hunn.

Mir sinn awer fest dovun iwwerzeegt, datt Kultur ni zu engem Luxus dierf ginn an ëmmer soll fir jiddereen zougänglech sinn. Mir sinn entschloss, alles dorun ze setzen, de Koll zu engem Festival fir jiddereen ze maachen.

Scroll weider erof fir Ticketen ze kaafen

Solidaritéitsopruff

Wann dier d’Méiglechkeet hutt, kënnt dir méi zum Ticketspräis bäidroen an domat direkt en duebelen Effekt erreechen:

Éischtens, géift der aktiv dozou bäidroen, datt Kultur accessibel bleift.

Zweetens, spillt är Kontributioun eng entscheedend Roll, déi néideg Moyene fir de Succès vum Koll an Aktioun ze garantéieren.

Wéi Donen eis hëllefen?

Wéi schonn erkläert, droen d'Spenden zu eiser finanzieller Stabilitéit bäi. Doduerch kréie mir méi Flexibilitéit an der Programmgestaltung, beim Dekoréieren a fir déi bescht Infrastrukturen, fir eis Visiteuren ze garantéieren.

Keng Kontributioun ass ze kleng. All Eenzel hëlleft, déi nächst Editioun vum Koll an Aktioun op d'Been ze stellen!

Mir sinn nämlech eng asbl déi ganz aus passionéierte Benevolle besteet.

Mir freeën eis, iech all op Päischtweekend nächst Joer ze gesinn!

Cheers, d’Kollibri asbl.

WICHTEG: De Koll an Aktioun ass e Festival fir déi ganz Famill, dofir ass d'Entrée fir Kanner a Jugendlecher bis 15 Joer inclus, GRATIS!

Wéi kafen ech en Ticket?

Gitt de Präis an deen Dir bereet sidd pro Ticket ze bezuelen.
Wielt d’Unzuel vun den Ticketen aus déi Dir braucht.
Ënne gesitt Dir den Total deen Dir ze bezuelen hutt.